برعم حتى الموت الثلاثاء مارس 10, 2009 10:57 pm
طبعا ياطلعت انت عارف ان انا اطول حاجة فيا لسانى فأنا هبدع بقى..خد عندك ياباشا الطوب ده.
طلعت اول ماشوفته خالص فى أول السنة حسيت انه لاسع بس دماغ ..لما بقينا صحاب لقيت انه دماغ فعلا بس مش لاسع ده عسل العشيرة ياجدعان.
احمد جمال بقى بابايا أول ماشوفته برده كنت مستغرباه مش عارفة ليه يمكن عشان كان عاقل زيادة عن اللازم..بس لما بقينا صحاب بجد بقيت اتمنى ان احمد ده بجد يبقى اخويا..وكنت بحقد على اخواته.
اما كريم بقى فمكانش بينا كلام خالص إلا من قريب بس كنت بسترخمه اوى عشان كان......يلا ماعلينا هو فاهم بقى ياجماعة بلاش احراج..بس هو لذيذ ومحترم بصراحة.
بالنسبة ل AKTبقى ككل فبجد حاجة تحفة انكوا تكونوا مترابطين كدة وقريبين من بعض ربنا يخليكوا لبعض ..فى موقف انا شوفته احب اقوله عشان عينى دمعت لما حصل أدامى..لما طلعت كان بيعمل العملية واحمد كان فى الجنينة برة مقر الاستقبال بيكلم اخو طلعت بيقوله ان العملية نجحت احمد الفرحة اللى كانت على وشه اصلا يتكتب فيها دواوين ..دخل المقر وجرى على كريم واخده بالحضن وملامح وشهم بجد تخلى العين تدمع..بجد ربنا يخليكوا لبعض